കേച്ചേരി പെരുവന്‍മല ക്ഷേത്ര സ്വത്ത് കയ്യേറ്റം സംമ്പന്ധിച്ച് ഭൂമി അളന്ന് തിട്ടപെടുത്തല്‍ പൂര്‍ത്തിയായി.

കേച്ചേരി പെരുവന്‍മല കയ്യേറ്റക്കാര്‍ക്ക് തിരിച്ചടി.
കൊച്ചിന്‍ ദേവസ്വം ബോര്‍ഡിന്‍റെ കീഴിലുള്ള കേച്ചേരി പെരുവന്‍മല ക്ഷേത്ര സ്വത്ത് കയ്യേറ്റം സംമ്പന്ധിച്ച് ഭൂമി അളന്ന് തിട്ടപെടുത്തല്‍ പൂര്‍ത്തിയായി.
ദേവസ്വം ഭൂമിയില്‍ നിന്ന് 50 ഏക്കറിലേറെ ഭൂമി കയ്യേറിയതായാണ് പരാതിയുണ്ടായിരുന്നത്.
പ്രകൃതിരമണീയവും, വറ്റാത്ത ജലസ്രോതസ്സകളും, മരങ്ങളും തിങ്ങിനിറഞ്ഞ വന പ്രദേശം പരിസരവാസികളും മറ്റും കയ്യേറി കൃഷിയിറക്കുയും, വീടു നിര്‍മ്മിക്കുകയും ചെയ്തതായാണ് പരാതിപെട്ടിരുന്നത്. കാലങ്ങലായി നിലനിന്നിരുന്ന ആരോപണത്തിന് അന്ത്യമായി പെരുവന്‍മല ഭൂസംരക്ഷണ സമതിയാണ് പരാതിയുമായി മുന്നോട്ട് പോയത്.
ഹൈകോടതി നിര്‍ദ്ധേശ പ്രകാരം സപ്ഷല്‍ തഹസീല്‍ദാറുടെ നേതൃത്വത്തില്‍ വിവധ ഘട്ടങ്ങളിലായി നടന്നു വന്ന അളവുകളാണ് പൂര്‍ത്തീകരിച്ചത്.
അളവിന് മുന്നോടിയായി പരിസരവാസികളുമായി കൂടിയോലോചിക്കാന്‍ വിളിച്ചുചേര്‍ത്തയോഗത്തില്‍ നിരവധി പേര്‍പങ്കെടുത്തിരുന്നു. പ്രധാനമായും ഇവരുടെ കൈവശമുള്ള രേഖകളോ, അവകാശമോ സ്ഥആപിക്കാണമെന്നും അല്ലാത്ത പക്ഷം അത് ദേവസ്വം ഭൂമിയായി കണക്കാക്കുമെന്നുമായിരുന്നു പറഞ്ഞിരുന്നത്. എന്നാല്‍ എത്തിയവരില്‍ ഭൂരപക്ഷം ആളുകള്‍ക്കും രേഖകള്‍ സമര്‍പ്പിക്കാന്‍ കഴിഞ്ഞിരുന്നില്ല. ഇവിടെ 60 ഓളം പേര്‍ അഞ്ച് മുതല്‍ ഇരുപത് സെന്റ് വരേയുള്ള സ്ഥലത്ത് വീടു വെച്ച് താമസിക്കുന്നുണ്ട്. ഇത്തരം കുടംബങ്ങള്‍ക്ക് പുനരധിവാസം നടപ്പിലാക്കണമെന്ന് സമതി പ്രവര്‍ത്തകര്‍ തന്നെ ആവശ്യെപടുന്നുമുണ്ട്. എന്നാല്‍ ഏക്കറ് കണക്കിന് ഭൂമി വളച്ചെടുത്ത് കൃഷിയിറക്കുന്ന 19 കയ്യേറ്റങ്ങള്‍ ഉണ്ടെന്നാണ് കണക്കാക്കപെടുന്നത്. ഇവരാരും തന്നെ ഒരു തരത്തിലുള്ള രേഖകളും ഇതുവരേയും നല്‍കിയിട്ടില്ലെന്നാണ് അറിയുന്നത്.
നിലവില്‍ ദേവസ്വം ഭൂമിയായി അളന്ന് തിട്ടപെടുത്തിയത് 60 ഏക്കറാണ്. ഈ ഭൂമിയിന്‍മേല്‍ അവകാശങ്ങളോ രേഖകളോ ഉള്ളവര്‍ക്ക് ഹൈകോടതിയെ സമീപിക്കാം, എന്നാല്‍ അളവ് നടക്കുന്ന സമയത്തോ മറ്റോ ഇആരം എതിര്‍പ്പു പ്രകടിപ്പിച്ചില്ലെന്നതിനാല്‍ അവകാശവുമായി ആരം രംഗത്തെത്താന്‍ ഇടയില്ലെന്ന് തന്നയാണ് വ്യക്തമാക്കുന്നത്.
സര്‍വ്വേയര്‍ അനിലിന്റെ നേതൃത്വത്തിലായിരുന്നു അളവു നടന്നത്. ദേവസ്വം പ്രസിഡന്റ് ഡോ. എം കെ സുദര്‍ശനന്‍, അസി. കമ്മീഷണര്‍ എ ജയകുമാര്‍, തായങ്കാവ് ദേവസ്വം ഓഫീസര്‍ എം സുധീര്‍, പരുവന്‍മല ഭൂസംരക്ഷണ സമതി പ്രസിഡന്റ് ബാബു രാജ് എന്നിവര്‍ സംഘത്തിനൊപ്പമുണ്ടായിരുന്നു.

പരുവന്‍മലയിലെ കയ്യേറ്റം ഏറെ രാഷട്രീയ ചര്‍ച്ചക്കിടവെച്ചിരുന്നതാണ്. വലിയ കയ്യേറ്റങ്ങളെല്ലാം തന്നെ മേഖലയിലെ പ്രമുഖരാണെന്നതിാല്‍ വരും ദിവസങ്ങളില്‍ വലിയ ഒച്ചപാടുണ്ടാക്കാന്‍ കാരണമാകുന്നതായിരിക്കും ഈ നടപടി.

Post A Comment: