മദ്യവിലയില്‍ നേരിയ വര്‍ധന

മദ്യവില്‍പനക്ക്​ ഏര്‍പ്പെടുത്തിയിരുന്ന നികുതികളും സെസുകളും എകീകരിച്ച്‌​ ധനമന്ത്രി തോമസ്​ ​െഎസകിന്‍റെ ബജറ്റ്

തിരുവനന്തപുരം: മദ്യവില്‍പനക്ക്​ ഏര്‍പ്പെടുത്തിയിരുന്ന നികുതികളും സെസുകളും എകീകരിച്ച്‌​ ധനമന്ത്രി തോമസ്​ ​െഎസകിന്‍റെ ബജറ്റ്​. മദ്യത്തിന്​ ഏര്‍പ്പെടുത്തിയിരുന്ന സാമൂഹിക സുരക്ഷാ സെസ്​, മെഡിക്കല്‍ സെസ്​ എന്നിവ എടുത്ത്​ കളഞ്ഞ്​ തത്തുല്യമായി വില്‍പന നികുതി ഉയര്‍ത്തുമെന്നാണ്​ ബജറ്റില്‍ പ്രഖ്യാപിച്ചിരിക്കുന്നത്​. പുതിയ നികുതി നിരക്കുകള്‍ പ്രകാരം മദ്യത്തിന്​ നാമമാത്രമായ വില വര്‍ധനയുണ്ടാകും. 400 രൂപ വരെ വിലയുള്ള വിദേശമദ്യത്തി​ന്‍റെ നികുതി 200 ശതമാനമായും 400 രൂപക്ക്​ മുകളില്‍ വരുന്ന മദ്യത്തിന് 210 ശതമാനമായും പരിഷ്കരിച്ചു. ബീയറി​ന്‍റെ നികുതി 100 ശതമാനമായിരിക്കും. അതേസമയം, ബിവറേജസ്​ ഒൗട്ട്​ലെറ്റുകളിലുടെ ഇനി വിദേശ നിര്‍മിത മദ്യം വില്‍ക്കുമെന്ന്​ ധനമന്ത്രി പ്രഖ്യാപിച്ചു. സംസ്ഥാനത്ത്​ ഇന്ത്യന്‍ നിര്‍മിത വിദേശമദ്യത്തി​േന്‍റയും, വിദശേ നിര്‍മിത മദ്യത്തി​​െന്‍റയും വില്‍പന നടത്താനുള്ള അവകാശം അബ്​കാരി നിയമപ്രകാരം ബെവ്​കോക്കാണ്​. എന്നാല്‍ വിദേശ നിര്‍മിത മദ്യത്തി​​െന്‍റ വില്‍പന ബെവ്​കോ നടത്തിയിരുന്നില്ല. ഇത്​ ആരംഭിക്കുമെന്നാണ്​ ബജറ്റ്​ പറയുന്നത്​.